మొహమాటానికి పోతే......

చాలా సంవత్సరాల కిందట జరిగిన సంగతి. నేను అప్పుడు ఇంజనీరింగ్ కాలేజీల గురించి వాకబు చెయ్యటానికి కొయంబత్తూరులో మా అన్నయ్య దగ్గర ఒక నెల రోజుల పాటు ఉన్నాను. మా అన్నయ్య అప్పుడు యం.బి.ఏ. చదువుతున్నారు. నేను రోజు మధ్యాహ్నం, సాయంత్రం అన్నయ్య ఉన్నా లేకున్నా వాళ్ళ మెస్ కి వెల్లి భోజనం చేసి వచ్చే వాడిని.
ఒక రోజు మా అన్నయ్య వాళ్ళ ఫ్రెండ్ అక్క పెళ్ళికి మమ్మల్ని అహ్వానించారు. పెళ్ళికి వెళ్ళి భోజనానికి కూర్చున్నాము. ముందు స్వీట్స్ పెట్టారు తరువాత ఇడ్లీ, పరాటాలు పెట్టారు. కొంచంసేపటి తరువాత అన్నయ్య వాళ్ళ ఫ్రెండ్ వచ్చి మళ్ళీ మాకు ఇడ్లీ, పరాటా వడ్డించమన్నారు. అందరూ మళ్ళీ పెట్టించుకుని తింటుంటే నేను పెద్ద పిస్తా లాగ ఎందుకురా బాబు అంత కక్కుర్తి పడతారు, తరువాత అన్నం వడ్డిస్తారుగా అని మనసులో అనుకుని కూర్చున్నాను. ఐదు నిమిషాల తరువాత అందరూ లేచి చేతులు కడుక్కోవటానికి బయలుదేరారు. నాకు ఒక్కసారిగా ఫ్యూసు ఎగిరింది. కాని ఏమి చేస్తాను, నేనూ వెళ్ళి చేతులు కడుక్కుని వచ్చాను.
ఇంటికి వెళ్ళేటప్పుడు మా అన్నయ్యని హొటల్ దగ్గర ఆపమని చెప్పి అప్పుడు చెప్పాను నాకు ఆకలి వేస్తుందని. తరువాత తెలిసింది ఎమిటంటే తమిళనాడులో చాలావరకు సాయంత్రం టిఫిన్ చేస్తారని, మా మెస్ లో మాత్రం భోజనం వుంటుందని. అప్పటినుంచి ఎక్కడైనా ఎవరైనా మళ్ళీ వడ్డిస్తే ఆకలిగా ఉంటే మాత్రం వద్దు అని చెప్పను.
బ్లాగులు చదువుతూ వుంటే పాత విషయాలు గుర్తు వచ్చి, వెంటనే రాసాను.

నమస్కారము

అందరికీ నమస్కారము,కొన్ని రోజుల క్రితం ఇంటర్నెట్ లొ విహరిస్తూ ఉండగా తెలుగు బ్లాగులు చూసిన నాకు బ్లాగాలనిపించింది. కాని నా ట్రేడ్ మార్క్ అయిన బద్దకం వదిలి బ్లాగటానికి కుదరలేదు. నాకు తెలుగు సాహిత్యంపై పట్టు లేదు. కానీ తెలుగంటే ఎంతో ఇష్టం. అందుకే ఏదో ఒకటి వ్రాయాలని మొదలు పెట్టాను.
నా సుత్తితొ మీ మెదడు ఈపాటికి వేడెక్కి వుంటుంది కదా, అందుకే ఈరొజు ఇంతటితో వదిలి వేస్తున్నాను. బ్లాగు జీవితంలొ చిన్ని చిన్ని అడుగులు వేస్తున్న నాకు మీ సలహాలు, సూచనలు, ఆశీస్సులు అంద చేస్తారని ఆశిస్తూ ఒక చిన్న జోకు. ఒక మిత్రుడు చెప్పిన జోకు ఇది. మీ చప్పట్లన్నీ అతనికే చెందుతాయి.

కోర్టులొ రావణుడు బోనులో వున్నాడు.
కోర్టు గుమస్తా రావణుడితొ: గీత మీద చెయ్యి వేసి అంతా నిజమే చెపుతాను అని ప్రమాణం చెయ్యి.
రావణుడు: సీత మీద ఒక్కసారి చెయ్యి వెసినందుకే నా ప్రాణం పోయింది. గీత మీద చెయ్యి వెయ్యనంటే వెయ్యను.

మీ,
బ్లాగురాముడు (చందు).